Kumin June thla liam ta kha chuan Madonna hian dam lohna nas tak vangin khawvel chhuahsan mai turah a inngai hman. Mahse, boral ta a nu thlarau chuan a awmpui tlatah ngaiin, huaisen takin damna kawng a zawh. A dam chhuak leh ta mak ti ber chu amah tho a ni.
Bacterial infection hlauhawm vangin Queen of Pop hian world tour neih tur pawh a cancel vek hman. Tunah erawh world tour pui tak kalpui leh tawhin, a thlen chin a piangah ropui taka lawm niin, boruak a hot chho tial tial mai.
Nizan hmasa khan Belgium-ah show neiin, mipui pungkhawm tam tak hmaah, “Thla li liam ta mai khan Damdawi In-ah ni khaw hre lo leh thih ngamin ka awm a, mi tam tak chuan ka dam chhuah leh pawh an ring tawh lo hial. Tunah in zingah ka awm ve ngawt mai pawh hi thil mak piahlam a ni. Ka nu, Pathianin malsawm se la,
“Van atanga min thlir rengtu a ni a, amah vek hian, ‘Bawihte, i hun a la thleng lo’ tiin min hrilh a ni,” a ti.