Ajax leh an head coach Maurice Steijn te chu thla li chauh la thawkho mahse an thawhhona titawp turin an inrem.
Kum 49 mi Steijn hian Sparta Rotterdam atangin June thla khan Ajax hi a enkawl tan a, an hnenah kum thum contract a ziak.
Mahse vawi 36 Dutch champion ni tawhte hi chetthatpui lovin league match vawi sarih an khelh tawhah vawi khat chiah an la chak a. Eredivisie table-ah a mawng ber dawttu an ni mek.
Thawhtanni khan Steijn leh Ajax hotute inhmu in thutlukna hi an siam a. A assistant coach Hedwiges Maduro chuan club hi a enkawl lailawk rih ang.
Chief executive Jan van Halst chuan, “Theihtawp chhuahin kan thawkho a, mahse khelmual chhunga kan result leh team dinhmun in hmasawn lam a pan loh avangin kan thu hova, thutlukna kan siam ta a ni. Maurice pawhin a hna chhunzawm zel chu a tha ber a ni em a hriat tawh loh thu min hriattir bawk.” a ti.