Valencia in match li chhung chak hmel an hmuh tawh loh hnuah hnehna chang ve lehin Cadiz lakah Thawhtanni inkhelah 2-0 in hnehna an chang.
Estadio de Mestalla ah Valencia tan minute 4-na ah captain Jose Gaya chuan ven loha a awm laia ball changin goal hmahruai a khung a. Minute 22-naah Real Sociedad atanga Cadiz in an hawh midfielder Robert Navarro chu red card pek a ni a. Hemi hnu lawk hian Hugo Duro chuan Los Che goal hnihna a khung.
Valencia coach Ruben Baraja chuan, “Kan goal neih hma khan a tha zawngin inkhel a nghawng a. Kan inkhelh dan pawh a lungawithlak hle. Tunah chuan kan hmalam a kan khelh leh tur kan thlir ang.” a ti.