Fiorentina in Serie A hmahruaitute an umna kawngah point an hloh a. An mikhual Empoli lakah 2-0 in an tlawm.
Thawhtanni zanah Stadio Artemio Franchi ah La Viola in an mikhualte lakah inkhel an thunun tha viau a. Goal hlauhawm vawi 18 lai an siam a, mahse a pawimawh ber goal erawh an khung thei lo.
Empoli hian an huntha neih an chhawr tangkai thin thung a. Minute 21-naah Francesco Caputo chuan counter-attack atang remchang neiin goalkeeper Pietro Terracciano man phak lohin a pet lut a. Halftime dawnah Caputo bawk hian goal khung leh mahse handball avanga pawm loh a ni.
Second half-ah substitute Emmanuel Gyasi chuan Empoli goal hnihna a khung a. A team tan point thum pawimawh a ti chiang.
Hnehna an chan avangin Empoli hi 17-naah chhovin dinhmun hlauhawm atangin an chhuak a. Lehlamah La Viola hian match 9 atanga point 20 hmu thei tur an nihlaiin an huntha an hloh a, team chanchin a record thar siam theihna hun an chhawr tangkai lo.
An coach Vincenzo Italiano chuan, “Hetiang result hi a thleng ve thei. Vawiinah kan khingpuiten kan tihsual avangin min tawrh tir thin a, fak an phu. Goal hlauhawm kan siam a, mahse kan khung theih loh kan tuar. He result hi kan enlet anga, kan kalsan thuai ang.” tiin a sawi.