Mizoram football team in an tum ram an thleng a. 77th National Football Championship for Santosh Trophy 2023-24 ah final round khel turin an tling chiang tawh.
Thawhlehni chhun dar 11:30 khan Mizoram in Pondicherry chu an group inkhel hnuhnung berah an hmachhawn a, 6-0 in hnehna an chang.
Point thum an hmuh avangin Mizoram hi Group E-ah pahnihna an ni a. Pahnihna titha pathum tling tur zingah an tel.
Mizoram tan striker rinrawl Lalkhawpuimawia chuan minute 16-naah goal hmahruai a khung a. Halftime hma a goal luh belh lovin second half-ah Mizoram insiksawi in substitute PC Lallawmkima chuan hattrick a siam a. Khawpuimawia’n a goal hnihna khung lehin Laltlanzova’n an goal hnuhnung ber a khung.
Santosh Trophy final rounds khel tur hian group tin a sang ber Goa, Delhi, Manipur, Assam, Services, Maharashtra te bakah pahnihna ti tha Kerala, Railways leh Mizoram te an tling a, nikum a final khel Karnataka leh Meghalaya leh a thlengtu Arunachal Pradesh te an tel bawk ang.