ICT department-in Cyber Security Awareness Month’ kal- pui mek denchhenin Cy- ber Security chungchang ah mipuite tana hriat tur pawimawh leh zirtirna atan thuchhuah an siam.
Cyber Security chu- ngchang inzirtirna (Cy- ber Jagrookta Diwas) hi kum 2022 atangin India ramah mumal taka neih tan a ni a, hemi pual hian October thla chu ‘Cyber Security Awareness Month’ a hman thin a ni.
Sorkar thuchhuah chuan “Mizo te hian technology hmasawnna hi nasa taka kan chhim ve theih tak avangin cyber security chungchang zirtirna kan mamawh hle. Hum sual kan dai palh loh nan heng a hnuaia mi te hi hre tlang ila, a hre lo te hriattirtu ni zel ila a lawmawm hle ang” a ti.
Kum tlinglo ten Social Media an hman nasat tawh avangin fimkhur pui an ngaih thu pawh tarlan a ni a. Anmahni enkawltu ten an thil tih thin hriatpui a pawimawh thu te, sum leh pai kaihhnawihah miin an bum loh nan te, midangte tana harsatna thlentu an nih loh nan te, chutiang avanga harsatna tawk tu an nih loh nan te Social Media an hman dan hriatpui a pawimawh thu tarlan a ni.
Online khawvelah sum leh pai kaihhnawiha midangte bum tum an tam thu pawh tarlan a ni a. Mitin fimkhur a pawimawh thu tarlan a ni. Hriatchian loh hnena pawisa thawn te, tlawm uchuak khawpa thil zawrh te chu rinhlelh nachang hriat a that thu te, Online shop-ah pawh Cash on Delivery tih theih leh Return phal ngei te chauh dawr thin tur a nih thu te tarlan a ni bawk.
Sum leh pai duham lutuk avanga khaw hmu lo leka awm theih a nih thu te, sum leh pai lakluh chungchangah rilru thianghlim tak pua social media hman tur a nih thu te tarlan a ni a. Mipat hmeichhiatna kaihhnawih thilah danin a phal loh thil tih loh tur a nih thu te, mihring hlutna leh zahawmna chu hun reilo te chhunga mipat hmeichhiatna kaihhnawihah a hloh theih a nih thu te, insum theihnain zahawmna a keng tih hriat nawn fo tur a nih thu te tarlan a ni.
Thuthar thehdarh hmasatu nih chak lutuk avanga thu dik tawklo thehdarh palh theih a nih thu te. Thu thehdarh turte chu a dik leh dik loh finfiah hmasak zel tur a nih thu te tarlan a ni a. Cyber Crime kaihhnawih dan – IT Act (2000) Section 43, 66 leh 67 te bakah IPC (1980) Section 464, 468, 469 leh a dang te sawrkarin khawng taka kenkawh a nih thu te. Cyber crime leh a kaihhnawiha harsatna nei ten an harsatna tawhte zep mai lova, aia thiam zawkte rawn tur a nih thu te, a tul a nih chuan Police Station hnai berah kal thuai tur a nih thu te tarlan a ni bawk.