South Africa in an batting tha an lantir leh a, Quinton de Kock chuan run 174 a siam zanah Bangladesh run 149 in an hneh.
Mumbai a Wankhede Stadium-ah De Kock hian tun ICC Men’s Cricket World Cup a score sang ber a nei a. Tun tournament-ah hian century a siam tum thumna niin vuak thlang zawk Proteas over 50-ah run 382 an siam a, wicket nga an hloh.
England laka century siam Heinrich Klaasen chuan ball 49 lek atang run 90 a siam bawk a. Captain Aiden Markram-a run 60 siam pawh a tangkai. Wicket hnih an hlohin run 36 chiah South Africa hian siam mahse De Kock leh Markram ten run 131 an pahnih a dingduna an vaw chhuak chu an team innghahna bul a ni a. A tawp khar tha bawkin De Kock-a’n run za siam tling turin ball 101 a hmang phawt a, a bak run 74 erawh ball 39 atangin a siam.
Bangladesh tan Mahmudullah chuan theihtawp chhuahin run 111 siam mahse run 233 bak an tlin lova. South Africa bowler zingah Gerald Coetzee chuan wicket thum la in wicket hnih la Kagiso Rabada pawh a tangkai.
South Africa captain Aiden Markram chuan, “Quinton-a’n a hna a thawk tha tak zet a, Klaasen-a’n a tih fo thin angin a rawn vaw vak kha a pawimawh bawk. Kan batsman tha paruk pasarih vel hi khelhdan inang lo vek an ni a, hei hi team tan a tangkai thin hle. Match tin a hmasawn zel kan tum.” tiin an chak hnuah a sawi zui.
- Match Summary
South Africa 382/5(50 Overs)
Quinton de Kock 174 (140)
Heinrich Klaasen 90 (49)
Mehidy Hasan Miraz 1/44 (9)
Hasan Mahmud 2/67 (6)
Bangladesh 233(46.4 Overs)
Mahmudullah 111 (111)
Litton Das 22 (44)
Gerald Coetzee 3/62 (10)
Marco Jansen 2/39 (8)