North East India Development Party (NEIDP)-in Lok Sabha inthlan lo awm tura Outer Manipur biala dintir an tum nia sawi, Ashang Kasar chuan nimin khan hel pawlin inhnukdawk tura an vau thu a sawi.
Kasar hi politician zinga Manipur-a hetiang vauna dawng hmasa ber a ni a. NEIDP leh Kasar hian vauna an dawn chungchangah engmah zawh zui an tum lo tih an sawi a, a vautu pawl hming pawh an sawi lo.
Kasar chuan “Hel pawl hian Meitei thlawp party a nih avangin NEIDP hminga ding lo turin min ti a. Eng pawh ni sela, he party hming hian ka ding dawn,” a ti a. NEIDP chu party zinga tlang mite leh phaia chengte inkar zau tizimtu pakhat a nih thu a sawi a, amah vautu hel pawl chuan thil hriat sual palh an nei zawk nia a hriat thu a sawi bawk.
NEIDP President N.Samarjit chuan an party chuan hetiang thil an tawn an lo inrin loh thu a sawi a; mahse, sawi zui vak ngai lo nia an hriat thu a sawi bawk.