Aizawl : DEO, Lunglei-in nimin khan Convention Centre Hall-ah Lunglei district chhunga Booth Level Officer te ten training a buatsaih.
Lunglei DEO Ramdin- liani’n training hawnna hun hmanpuiin; fuihna thuchah BLO trainees te hnenah a sawi a. Election-ah chuan BLO te chu a serh zinga a mei ang an nih thu sawiin, an tel lo chuan Election a neih theih loh tluk a nih thu a sawi. Chutiang khawpa pawimawh leh mawhphurhna nei sang chuan an pawimawh zia an inhre lovang tih a hlauh thu a sawi a. Electoral Roll buatsaih lai atanga an innghahna a nih thu sawiin, an bial theuhva polling station leh polling party te lo buaipui turah pawh anmahni an thui tak an innghah leh tur thu a sawi.
Theitawp chhuaha an hnathawhna kawngah tihsual palh leh hriat loh palh thil a awm loh nan training chu an tana buatsaih a nih thu Bawrhsap chuan a sawi a. An hriattur pawimawh leh thiam ngai thil chu bel taka thiam leh hriat vek tum turin a chah bawk.