Aizawl : S&YS Directorate, Auditorium-ah ni- min khan Azadi ka Amrit Mahotsav hnuaia Meri Maati Mera Desh (MM- MD) Campaign kharna Mitti Kalash Yatra (Bel Lei Send Off) programme hman a ni a. Secretary, Sports & Youth Services Department, State Nodal Officer ni bawk Dr. Lalrozama’n a hmanpui.
Secretary, Sports & Youth Services Department chuan an hun hman chu India rampum huap program pawimawh tak a nih thu a sawi a. Zirlai naupang tel te chu an zirlai nena inhmeh hle tih sawiin, an tangkaipui ngei a beisei thu a sawi.
Hun rei tak ramdang awpna hnuaia kan kun hnuah kan ramin zalenna a sualna kawnga hma- latute hrereng turin a chah a. Kan hnam ziarangte chawikan zel a, pawnlam mite tan kan ze tha te lantir zel tur leh kan culture leh traditions te vawnghim zel turin a fuih a ni.
He hunah hian NYK/ NSS leh Volunteer ten Bel Lei Sample an lakkhawm District 11 ami leh Rural Development Block 28, avaiin Sample 39, National Final Program atana ken tur te chu Secretary, Sports & Youth Services Department hian hlanin, Kartavya Path, New Delhi a ken turin vailiam a ni.
Mizoram atanga Lei lakkhawmte hi India Ram hmun dang 7500 atanga Lei lakkhawm nen Hlum Bel Lian pankha a chhun- khawmin National Amrita Vatika (Necter/Eternal Garden) siam a ni ang.