NBA champion Denver Nuggets in hnehna changin season thar bul an tan a. Los Angeles Lakers lakah 119-107 a chakin an champion title humhim turin ke an pen nghal.
Ball Arena a Nilaini zing inkhelah Nuggets tan star player Nikola Jokic chuan triple-double a nei a. Nuggets hian point 18 a hmahruai lai inkhel tir lamah an nei a. Fourth quarter-ah Lakers hian an inkar ti zim viau mahse an pawtthla zo tawh lo.
Point 29, rebound 13 leh assist 11 neitu Jokic chuan, “Inkhel kan thunun tha viau in ka hria. Season hmasa chu a liam tawh a, kan ngaihtuahnaah awm lutuk tur a ni tawh lo.” tiin an chak hnuah a sawi.
Inkhel dangah Phoenix Suns in Golden State Warriors chu 108-104 in an hneh ve bawk.
Chase Center-ah Suns tan Devin Booker chuan point 32 a score a, a team hlui lakah Kevin Durant chuan point 18 leh rebound 11 la a thlawp bawkin Suns hi an chak a ni.