(Chhunzawmna)
Ka la inchhir ber chu nau neihlaia ka chhungte bula ka nei lo tluka inchhir ka nei lo. Mahni u te ringawt pawh kan thlamuan pui ania. Vai ho karah nau ka nei a, hreawmtak ani. Ka nu ka ngaih lutuk avang khan ka tap hial. Nau kan nei zo, zai/normal in, inlamah kan haw. INLAW’s te hlirin min hual a, min duat zawh poh leh a in-thlahrunawm. Thiput, inhliam, nau puansuk, mahni insil, nau tap tlei lo heng zawng zawng hi Inlaw’s te tih a dah chu inthlahrun awm tak a ni.
Pasal hnathawk mi neih phei chuan midang phut tak tak ngamloh nen theileh theiloin kan che tawk tawk a, min tihduhdah a, min ngaihsak loh lam a ni lo. Rilru a na a, a rukin kan tap tlawk tlawk mai a ni. Hmeichhia hi hreawm tuar tur chu kan ni meuh mai. Mahse, Inupui i hmangaih-na kha anau neihlai khan lantir hram tum rawh..
Mi ngaihah pawh patha nih i hlawh anga, a fing fel hle mai an ti ang che. Mahni In lamah chuan rilru dam leh nuam takin kan awm thei. Pasal te inlamah kan awm thei lo ka tihna lam nilo in, nau neih behbawm hi inhrethiam ve dawn si lo a, nauneitu in ni miau loh vang in.
Heti hian i chanah dah teh. Hliampui tuar in, zun leh ek thiar ngaiin i nupui te inlamah han awm teh I nupui hna kal ta se. I pu/i pi [nupui nu leh pa] te tih ah dah chhin teh, nuam i ti chiah angem, chu mai anilo tun thawh, mut tir leh hliam silfaitir, eichak, inpek tir thleng in….aaa a tam mai.
Chuvang chuan chhungkua inhlima, in nghirnghona a awm lo anih chuan i nupui chu thlamuang taka naunei tur in kal tir rawh, zui ngei bawk la. A theih chuan, i nupui erawh chuan a phut ngamlo pawh ani mahna, a sawi ngamlo te a ni thei,
Nangmah khan Pa takin, tha takin i nu leh pa bulah sawi-sak la, nu tha i neih phei chuan alo tawntawh avang in a phal khawp ang, thla 2/1 hnu ah nu leh nau te that hunah an lo haw anga inu leh pa pawh an hlim ang, nau te pawh lawm rual minti hlim rual ani tawh anga, in nu chuan ahma aiin a duat ngei bawk che anga.
Nupui/ka hmeichhiat pui te u, kan Inlaw’s te atang vui-vaina hrang hrang kan nei theuh anga sawichhuak zung zung lo ang u. Abik in kan nu leh pa te bulah, kan chhungte chuan hmun hreawma kan awm an phal hauh lo ang. Mahse tuar thei ni tur in, ngawih i chuh hram hram ang u. Vui vaina kan thlentam poh leh buaina a tam. Harsatna hlir pawh ni se, kan ngawih tlat chuan buaina a thleng lo ani mai.
A tawp ber atan i Nu leh Pa i hmangaih ang bawk khan i Nupui hmangaih rawh, inrem taka i Nupui leh i chhungte awmtir thei tu chu nangmah kha i ni a sin..