Prime Minister Narendra Modi chuan nimin khan thla tina All India Radio atanga ram mipui hnenah thuchah a sawi thin, ‘Mann ki Baat’ hmangin thu a sawi leh a. Ram chhunga thar chhuahte ngaih pawimawh a tul thu a sawi.
Mipuite chu Diwali hunpui an hman turah hri leng vanga inkaihhruaina hrang hrangte an zawm avangin lawmthu a hrilh bawk.
“Dussehra hi harsatna kara dawhtheih a tulzia lantirna a ni nghal a. Vawiin hian in zavaiin he hunpui hi harsa taka in hman a ngai a. Covid-19 dona kawngah hian kan tangho ang a, hnehna chu kan ta a ni ang,” a ti.
Mahni ram thil siam ngaih pawimawh lam sawiin, “He hunpui lawmawm tak lo thlengah hian thil i leiin ram chhunga siam ngei chauh lei thin rawh,” a ti a. Khawvelin India kutchhuak thatzia a hre mek tih a sawi bawk.