Film lar, ‘The Walking Dead’ leh ‘Mr. Robt’-a inlan actor Erik Jensen chuan cancer natna khirh tak vei mekin, a dinhmun hi stage-4 a ni.
Kum hnih kalta khan thluak lam natna khirhkhan tak veiin mak angreng takin a damchhuak tawh a, rilru paukhauh leh huaisen taka a hmachhawn dan chu amah hrechiangtute mak tih a tling.
Jensen hian thin cancer a vei mek nia sawi a ni a, tunah hian a chhungte leh thiantha te chuan a pualin thawhhlawm an khawn mek a. Chanchin buatsaih lai hian GoFundMe page kaltlangin $90,000 an hmu tawh.