India rama infiamna khawmpui lian 37th National Games khelhmekah Nilaini atangin weightlifting khelh tan a ni a. Ningani khan Mizoram tan Lalhunthara’n gold medal a la.
Goa a inelna neih mekah hian weightlifting ah mi pathum an tel a. Kg 67 huangah Lalhunthara hi a inel.
Snatch-ah Lalhunthara hian a vawi thumnaah kg 124 a chawi a. SSCB aiawh Subhash Lahre leh Arunachal Pradesh aiawh Markio Tario te hnuaiah awmin pathumna a ni.
Clean & Jerk-ah erawh kg 159 a chawi a, hetah hian score hnem berin a belh khawmin 281 score in gold medal a la a ni.
Kg 61 huangah Mizo weightlifter dang pahnih Lalzuidika leh Zakhuma te an inlan a, anni erawhin medal la pha lovin pangana leh paruknaah an tawp thung.
Vawiin hian Mizoram aiawhin snooker-ah Lalrina Renthlei chuan a khel tan bawk ang.