Australia in kumin ICC Men’s Cricket World Cup-ah tournament tir lamah chetsual nei leh thin mahse an theihna tak tak lanchhuahtir an thei leh tawh a. Netherlands chu hnehsawh taka nghaisa in Nilaini zanah run 309 in an hneh.
Delhi a inkhelah hian Australia tan Glenn Maxwell chuan World Cup chanchin a century rang ber a siam a, ball 40 chiah hmangin run za a siam tling der.
Kum 35 mi tawnhriat nei tha Maxwell hian tun tournament-ah tho ni 18 kalta a South Africa tana ball 49 chiah hmang a Aiden Markram-a’n record a siam chu a chum.
Australia tan Maxwell bakah David Warner chuan run 104 a siam ve bawkin tun tournament-ah century a siam tum hnihna a ni. Over 50 chhungin run 399 an siam. Australia tan hian Steve Smith leh Marnus Labuschagne te chuan run 71 leh 62 an siam ve bawk.
Netherlands hi Australia bowler ten over 21-ah run 90 chiah siamin an vawm out zo ve bawk a. Australia hi run 309 a chakin World Cup a inhnehna sang ber a la ni.
Australia tan bowler Adam Zampa chuan wicket li a la a, over 3 vawmin run 8 chiah a pe bawk a ni.
- Match Summary
Australia 399/8(50 Overs)
David Warner 104 (93)
Glenn Maxwell 106 (44)
Logan van Beek 4/74 (10)
Bas de Leede 2/115 (10)
Netherlands 90(21 Overs)
Teja Nidamanuru 14 (18)
Vikramjit Singh 25 (25)
Mitchell Marsh 2/19 (4)
Adam Zampa 4/8 (3)