Aizawl: Zotrek Adventure Club chuan an lo ruahhman lawk angin khawvela sandstone cave thui ber, km 24.5-a thui, Krem Puri, Laitsohum Meghalaya-a mi chu hlawhtling takin October 23, 2023 khan an lut chhuak a, cave expedition member 30-te an lut a ni.
He expedition-ah hian Laitsohum Tourism Development Society atangin kaihruaitu mi pali in an telpui a. Puk hi zing dar 7-ah lut tanin, zan dar 8:30-ah an lut chhuak thei a ni.
Anmahni kaihhruaitute nen a sawi ho hnuah he puk a lut tawh zingah Mercy Lalpekhluii, Zarkawt, Zotrek member chu he cave lut chhuak tawh zinga naupang ber nia hriat a ni.
Puk luh chhung hian harsatna lian tham tawk an awm lo a, member pakhat oxygen thlachham a buai deuh awn mah se hahchawlin reilo teah ngai a awh leh thei a ni.
Zotrek Team hian puk zawn chhuah leh teh lama kum 20 chuang hma lo la tawhtu, Brain D Kharpran Daly chu a chenna in, Shillong-ah appreciation certificate an hlan nghal a. Kharpran hian Tenzing Norgay National Adventure Award pawh lo dawng tawhin, Krem Puri International Team-in kum 2018-a survey an neih lai pawha lo pui tu a ni bawk.
Zotrek Caving Team hian October 25, 2023 khan Aizawl an lo thleng leh tawh a ni.