Aizawl : Damparengpuia ZPM Mamit West Block Conference nimina neih hmanpuitu, ZPM President Lalliansawta chuan, Zoram dung leh vangah mite’n an beisei aia sangin ZPM-ah beisei an nei mek niin a sawi.
Sumfai sem chu inkhaichhuahna a ni loh thu sawiin Lalliansawta chuan, “Thangkamtuin tawktrah/chaw chah atana a thil hman ang chauh a ni. Inhmangaih vang ni lo vin, thuneihna leh lalna duh avanga chaw chah, hmasawnna engmah keng tel lo a ni,” a ti.
ZPM-in sum sem an tum ve loh thu sawiin Lalliansawta chuan, “Lalna leh thuneihna duh vangin politics-ah kan zuang lut ve lo; kan duh ber chu kan ram hian hma sawn ve tawh se la, eirukna leh hlemhletna te, mi mal pumpui tanghma haina leh retheihna te hi lo bo sela tiin ram hmangaihna avangin politic kaltlanga Pathian leh mipui rawngbawl turin kan lo lut a ni,” a ti bawk.
Lalliansawta chuan ZPM rilruah chuan mihring inhmangaih tawnna a lian hle tih sawiin, “Mizorama cheng hnam chitinte hma kan sawn theih nan leh retheihna leh chan ai ineisakna lak a ta hi inchhanchhuah kan tum a ni. ZPM-ah hian Mizorama cheng hnam hrang hrangte kan leng vek,” tia sawiin, tunah hian ZPM thli a tleh mek a, Zoram dung leh vangah min ten an beisei aia sangin ZPM ah beiseina an nei mek tih a sawi.
He hunah hian ZPM Vice President Rev Dr K Thanzauva leh ZPM Mamit bial official candidate H Zorempuia te pawhin thu an sawi.