Khawhai Dilah ni khat awh Nghakuai Chiah Runpui nimin khan neih a ni.
Khawhai Village Council hmalaknaa neih Nghakuai Chiah Runpui hi a tum khatna niin, hluttu an tam hle a. Khaw thenawm bakah state pawn atang pawhin chhimtu an awm niin a huaihawttuten an sawi.
Khawhai Dil hi hun rei tawh tak atanga Khawhai VC leh YMA Khawhai Branch hnuaia Section I hmalaknaa enkawl a ni a. A hmunhma pawh khualzinte tlawh tlaka siam niin, hetiang hunpui buatsaih a ni thei ta chu an khua tan pawh thil chhinchhiah tlak tak a ni tih VCP Darsiamliana chuan a sawi a. Zawngchhang tlak a nih thu leh hei aia ropui leh tha zawka buatsaih leh ni thei se a duh thu a sawi bawk.
Nghakuai Chiah Runpuiah hian chhimtu mi 1,000 chuang awmin, nghakuai leh a chaw chah tur hi tlawhtute awlsam zawk nan a hmunah ruahman a ni.