Phoenixs Suns in an star player pathum zinga pahnih hliam avangin chhawr thei lo mahse an awm loh tumin midangin an hmunruak an luah tha a. Utah Jazz lakah 126-104 in an chak.
Pathianni zinga Footprint Center a inkhelah Suns in Devin Booker leh Bradley Beal te an chawlhtir a. Star player dang Kevin Durant pawh minute 29 bak an khelhtir lo.
Mahse heti chung hian hnehna an chang a, Durant-a’n point 26 leh assist vawi sarih a nei a. Eric Gordon chuan point 21 a score ve bawk.
Suns tan Grayson Allen chuan hun pawimawhah point 17 a thawh a tangkai a, bench atang point 12 thawhtu Drew Eubanks leh Jordan Goodwin te awm bawkin Phoenix an buai lo.
Jazz tan Lauri Markkanen chuan point 19 score in a team tan a score hnem ber.
Inkhel dangah Zach LaVine chuan point 51 lai Chicago Bulls tan score mahse Bulls in hnehna an chang zo lova, Detroit Pistons lakah 118-102 in an tlawm.