Australia in ICC Men’s Cricket World Cup ah semi-final khel tura tling thei turin dinhmun thaah an inhlangkai a, New Zealand lakah run nga a chakin hnehna pawimawh an chang.
Inrinni a Dharamsala a inkhel hmuhnawmah hian Black Caps in chak turin over hnuhnung berah run 19 siam an mamawh a. Hlawhtling se World Cup chanchin a target um hlawhtling sang ber an ni ang.
Mahse ball hnuhnung ber dawttu ah run 58 siam James Neesham chu run out a ni a, Lockie Ferguson chuan ball hnuhnung berah an mamawh 6 runs a vaw thei lo.
Ram pahnihten inkhel vawi khat a run 771 an siam chu World Cup inkhel a run siam tamna ber a ni bawk.
Australia captain Pat Cummins chuan, “Inkhel tha tak a ni. A tawp thlengin an tang a, an inthlahdul lo hrim hrim. Kan chak avangin tunah kan lawm a, mahse a tawp kan khar that erawh a pawimawh hle.” tiin a sawi.