Arsenal striker Eddie Nketiah chuan Premier League a a hattrick hmasa ber a siam a. Gunners in tlawm lova an kal chu chhunzawmin Sheffield United lakah 5-0 in an chak.
Inrinni zana Emirates Stadium a inkhelah English striker Nketiah in minute 28-naah goal hmahruai a khung a. Declan Rice-a ball pek luh tha a pet goal mawi.
Second half-ah Nketiah bawkin an goal hnihna a khung lehnghal a, minute 58-naah metre 23 a hla atangin hattrick siamna goal a khung.
Gunners tan huntawp hma in Fabio Vieira chuan penalty a khung a, Takehiro Tomiyasu in goal khat a khung leh bawk.
Arsenal manager Mikel Arteta chuan, “Away inkhel hautak vawi hnih kan khelh avangin kar hmasa a hautak a, vawiinah erawh a danglam hle. Tlawm loh tum team hi hneh an awlsam ngai lo.” tiin a sawi.
Inkhel dangah Brentford in 2-0 in Chelsea an hneh a. Stamford Bridge-ah Ethan Pinnock leh Bryan Mbeumo ten goal khungin Bees hi Stamford Bridge-ah Chelsea aiin kumin April thla atangin league inkhelah an chak ngun tawh zawk.