Election Commission of India (ECI)-in kartin ti tura a tih angin Siaha District Election Officer Lalhmunsanga Hnamte-in Inrinni khan Siaha-ah thuthar thehd- arhtute a kawm a. Inthlan felfai taka neih a nih theih na tura theihtawp an chhuah thu a sawi.
Siaha district-a MLA bial pahnih te chu sector-17 ah thenin, Siaha bial-ah sector-6 leh Palak bial-ah sector-11 a awm thu DEO chuan a sawi a. Electronic Voting Machine (EVM) chungchang sawiin, ECI-in a phut angin Control Unit (CU) leh Balloting Unit (BU) chu 20%, VV- PAT 30% reserve a awm thu a sawi.
Siaha bialah BU-7, CU- 7, VVPAT- 13 awmin, Palak bialah BU-8, CU-8 leh VV- PAT-15 a awm tih DEO chan a sawi a. EVM te chu Zirtawpni khan atang khan commisioning tan a nih thu leh Siaha biala hman tur chu commissioning fel tawh a nih thu sawiin, Inrinni khan Palak biala hman tur pawh tihfel a nih thu a sawi.
Siaha DEO chuan inthlan campaign a mek avangin model code of conduct (MCC) bawh- chhiatna a awm leh awm loh chu uluk taka vil reng a nih thu a sawi a. Flying Squad Team (FST), Video Surveillance Team (VST), Sta- tic Surveillance Team (SST) leh Video Viewing Team (VST)-te ch- uan hna an thawk nasa tawh hle tih sawiin, FST leh VST- te chu a tulna hmun apiangah tirhchhuah mek zel an nih thu a sawi.
Star Campaigner-te Siaha district chhungah campaign-in an kal fo tih sawiin, DEO chuan Union Minister of State (Skill Development, Entrepreneurship and Electronics and Information Technology Rajeev Chandrasekhar, Dy. Chief Minister, Nagaland Y. Patton leh Union Minister of State (Minority Affairs) John Barla ten campaign-in Siaha an tlawh tawh tih sawiin, tunkarah hian Union Defence Minster Rajnath Singh; Union Home Minister Amit Shah leh Priyanka Ga- ndhi Vadra-te pawhin Siaha tlawh an tum tih a sawi bawk.
Star Campaigner-te chu uluk taka an lo vil a tul thu sawiin, DEO chuan Flying Squad Team leh Video Surveillance Team ten an vil reng dawn tih a sawi a. A tul chuan officer te pawh star campaigner te hun hmannaah tirh an nih tur thu a sawi.
Siaha DEO chuan October ni 26 khan postal ballot hmangin polling official ten vote an thlak tawh tih sawiin, Saiha bialah vote 242 leh Palak bialah vote 133 tlain a vaiin vote 375 a tla tawh tih a sawi a. Vawiin hian driver ten vote an thlak ve leh dawn tih sawiin, naktukah Police lamin vote an thlak ve leh tur thu a sawi bawk.
Kum upa (kum 80 chunglam) leh Person with Disabilities (PwD) te pawh in lama kal- chilha vote thlak tir an nih thu a sawi a. Home voting hmanga vote thlak tur hming pelut Saiha bialah mi 69 leh Palak bialah mi 84 an awm thu a sawi.
Siaha bialah PwD mi 4 awmin, Palak bial- ah an awm lo thung niin DEO chuan a sawi a. Home Voting buaipui turin poolling party 16 awmin Saiha bialah 9l Palak bialah 7 te an ni.
Siaha DEO chuan polling official te chu training vawi hnih pek an nih tawh thu a sawi a. Polling party pariat te chu vote thlak ni hma ni hnihah tirchhuah an nih tur thu sawiiin, polling party dang chu vote thlak ni ah tirhchhuah an nih tur thu a sawi.
Inthlanna ralmuang tak a awm theih nan, dan leh thupek keng- kawh turin BSF Company pahnih Siaha District -ah an duty mek thu sawiin, BSF Company pakhat an thlen belh leh dawn tih a sawi bawk.
Polling tation tinah Assured Minimum Facilities (AMF) – tui, electric, toilet, ramp leh a dangte dah vek tura hmalak a nih thu sawiin, Polling station motor luh theihlohna a awm loh thu a sawi a. Critical Polling Station pawh Siaha District chhungah a awm loh thu a sawi bawk a ni.