Huntawp dawnah an left-back Andrea Cambiaso chuan Juventus a chhandam a, chakna goal khungin 1-0 in Hellas Verona an hneh hram.
Allianz Stadium a Inrinni zana inkhelah Juve tan striker Moise Kean chuan goal hnih khung mahse pawm a ni lova. Chak ngei tuma na taka an nawr hnuah a tawpah Arkadiusz Milik ball tauh chuan goal ban a per a, ball per hi Cambiaso-a’n a khung.
Juve in hnehna an chan avang hian Serie A table chung ber an luah rih.
Massimiliano Allegri pawlte hian chance vaw 24 lai insiam thei mahse goal hmaah huntha an hloh hnem a. Dusan Vlahovic leh Federico Chiesa ten goal khungna remchang an hloh ngun.
Kean-a’n first half a goal a khungah Vlahovic a offside a, second half-ah Verona defender Davide Faraoni a foul avangin a goal khung pawm loh a ni leh bawk.