Mizoram State Assembly inthlanpui neih turah kum upa leh rualbanlote tana in lama vote thlakna, home voting chu Inrinni khan Kolasib district-a assembly bial pathumah neih tan a ni.
Kolasib district chhunga Tuirial, Kolasib leh Serlui bialah in lama vote thlak tur buaipuitu tur, mobile polling team pakhat theuh siam a ni a. Team-te hi Inrinni zing khan Kolasib District Election Office kawt atangin an kal chhuak a ni.
Tuirial bialah polling station 11 atangin in lama vote thlak tur hi kum upa mi 28 leh rualbanlo 10, an vaiin mi 38 an awm a. Kolasib bialah polling station 18 atangin kum upa 50 leh rualbanlo mi pali, an vaiin mi 54 awmin, Serlui bialah polling station 16 atangin kum upa mi 45 leh rualbanlo mi panga, an vaiin mi 50 an awm a. District-ah polling station 45 atangin kum upa 123 leh rualbanlo mi 19, an vaiin mi 142 an awm a ni.