Aizawl : Election Commission of India (ECI)-in Mizoram Legislative Assembly Inthlanpui lo awm tura vote thlak tura polling station pan thei lo (absentee voter) – kum 80 chun- glam (senior citizen) leh vohbik (person with disability – PwD)-te tana postal ballot hmanga mahni in chhung luma vote thlak theih dan (home voting) a ruahman angin Kolasib District-a assembly bial pathumah Inrinni aṭang khan absentee voter ten postal ballot hmangin vote an thlak ṭan.
In lama vote thlak tur absentee voter-te vote thlaktir turin Kolasib district chhunga assembly bial pathum, Tuirial, Kolasib leh Serlui bialah te mobile pol- ling team pakhat ṭheuh siam a ni a. Mobile pol- ling team-te hi Inrinni khan Kolasib District Election Office aṭanga kal chhuakin, an chhuak tur chu Election Officer Christina Lalmuanzuali, Nodal Officer for Postal Ballot F. Lalnisai leh election official dang ten an vailiam a ni.
Tuirial bialah polling station 11 aṭangin absentee voter 38 (senior citizen 28 leh PwD 10), Kolasib bialah polling station 18 aṭangin absentee voter 54 (senior citizen 50 leh PwD 4) leh Serlui bialah polling station 16 aṭangin absentee voter 50 (senior citizen 45 leh PwD 5) an awm a. Kolasib District puma polling station 45 aṭangin absentee voter 142 (senior citizen 123 leh PwD 19) an awm.
Mobile polling team-te hi bialtu Sector Officer ten hovin, an kalna polling station bialtu Booth Level Officer ten an lo ṭawiawm bawk a. Absentee voter-te hi an inah kal chilhin vote an thlaktir a ni.