NBA champion lai Denver Nuggets in team naupang tak Oklahoma City Thunder an hmachhawn a, 128-95 in an hneh.
Oklahoma a Paycom Center a inkhelah hian Nuggets in tan star player Nikola Jokic chuan point 28 leh rebound 14 a nei a. Tun season tharah vawi thum khelin vawi thum an chak tawh.
Michael Porter Jr. chuan point 20 leh rebound vawi 9 la in Jamal Murray chuan point 19 leh assist vawi 8 a nei thung.
Denver coach Michael Malone chuan, “Champion nih hnuah a kum leha tlakhniam loh a pawimawh a, tunah hian kan tlahniam lo tih kan lantir.” tiin a sawi.
OKC tan nikum a No.2 pick Chet Holmgren chuan point 19 a score a, team tana score hnem ber a ni.