- Ruata
Honda XL750 Transalp hi kum 1980 chhoa original Transalp chhuak thin design pawla duan niin Honda adventure bike lar Africa Twin te design pawl taka duan a ni a. He adventure tourer hi rawng chi hnih – Ross White leh Metallic Ballistic Black te a awm a. Japan atangin India ramah siam fel sa vek, CBU (completely built up) angin a rawn thleng dawn a, India ramah chuan Honda premium BigWing Top Line dealership kaltlangin an hralhchhuak dawn a ni.
Booking lam pawh Honda XL750 Transalp atan hian mi vannei hmasa mi 100 tan Honda exclusive BigWing Topline dealership hrang hrang Gurugram, Mumbai, Bengaluru, Indore, Kochi, Hyderabad, Chennai leh Kolkata-ah te hawn mek a ni a. Thla thar atang hian an hralhchhuah theih beisei a ni.
He bike hi a design en mai pawh hian Honda adventure tourer kan hmuh than ang design mawi tak mai nei a ni a. Kentel hrang hrang 5.0-inch TFT panel, thil hrang hrang speedometer, tachometer, gear indicator, fuel gauge & consumption, riding modes, engine parameters leh adangte tilang thei a nei a, he display hi duh duha tihdanglam theih, customizable a ni bawk a ni.
He Adventure Tourer thar hian Honda Smartphone Voice Control system (HSVCs) neiin hemi hmang hian smartphone a thlunzawm theih a. Hetah hian phone call, message, music & navigation tihte a thunun theih a ni. Emergency stop signal pawh awmin automatic turn signal cancelling function a awm bawk a. A changkang viau a ni.
Honda XL750 Transalp thar hian 755cc liquid-cooled in-line two-cylinder engine thar a hmang a. He khawl hian 90hp (67.5kW) power leh peak torque 75Nm te a pechhuak thei a, hei hi 6-speed gearbox nena thlunzawm a ni bawk a ni. A cylinder hian Ni-SiC (Nickel-Silicon Carbide) coating neiin hei hi Honda CRF450R leh CBR1000RR-R Fireblade-ah te pawh kan hmu a, hei hian petrol a ti hehlo em em a ni.
Throttle-By-Wire system hmangin he bike thar khalhtu tan hian riding mode chi 5 thlan theih a awm a. Heng mode hrang hrang mil hian Engine Power, Engine Braking leh Honda Selectable Torque Control (HSTC) with ABS & assist slipper clutch te chi hrang hranga thunun a ni a. Riding mode te hi – Sport, Standard, Rain, Gravel leh User te a ni.
Steel diamond frame zang tha tak nghahchhana duan niin Honda XL750 Transalp adventure tourer thar hian a hmalamah 43mm upside-down fork a hmang a. A braking lamah chuan a hmalamah dual 310mm wave discs with hydraulic 2-piston calipers leh a hnunglamah 256 mm single disc with 1-pot caliper a hmang a, dual-channel ABS chu standard angin kan hmu bawk a ni. A ke lamah chuan he adventure tourer hian a hmalamah 21-inch leh a hnunglamah 18-inch wheel with spoke te a hmang a ni