Aizawl: Ni khat thil thua lehkhabu pali, Dr Lalramchuani Sena Samuelson lehkhabu ziak nimin khan tlangzarh a ni.
Dr Lalramchuani Sena Samuelson lehkhabu pali te hi – Pi Buangi, kum 106 mi chanchin, Mizo Independence Movement, The Mizo People : Cultural Analysis of Life in a Mizo Village in the 1890’s leh Ka Zinna Ram : Ephesi, Damaska, Troy etc. tihte a ni.
Lehkhabute hi Tanhril-a Julie’s Getaway-ah Dr. Pinky Lalzuithangi, Associate Professor leh Dr. Robert Lalmalsawma, Ebenezer Medical Centre ten an tlangzarh a ni.
Lehkhabu ziaktu Dr. Lalramchuani Sena Samuelson chuan lehkhabu ziak chu hun hmanna tha ber nia a hriat thu leh khawvel thiamna sang tak karah, ziaka thu dah leh vawn chu a hlu reng dawn a, lehkhabu ziah chu mitinin intihhmuh chi nia a hriat thu a sawi.
Lehkhabu Tlangzarh inkhawm hi Tlangval Vee Mathara’n a kaihruai a, Dr. Rosaline Varsangzuali leh Dr. Lalrindiki ten lehkhabu thlirlawkna neiin, Mizo damlai zinga upa ber, Buangi, kum 107 mi chuan thu a sawi bawk.