France forward Kylian Mbappe chuan huntawp dawnah chakna goal a khung hmangin Paris Saint-Germain in hnehna an chang a, 3-2 in Brest lakah an chak.
Pathianni zana Ligue 1 inkhelah hian French champion in Stade Francis-le Blé ah an khingpuite hi an hmachhawn a. Huntawp hma deuhin Lilian Brassier chuan Randal Kolo Muani foul in penalty a chawi.
Mbappe-a’n spot kick hi pet in goalkeeper in a dang a, mahse a per letleh chu goal-ah a khung ta tho.
Paris Saint-Germain tan kum 17 mi Warren Zaire-Emery chuan minute 16-naah goal a khung a. Minute 28-naah Mbappe-a’n an goal hnihna a khung a. Club tana a goal 250-na chiah a ni bawk.
Brest tan Steve Mounie chuan halftime dawnah goal a khung a, Jeremy Le Douaron chuan second half tan hnu lawkah an si phurh sut mahse a tawp dawna an chetsual avangin point an chan.
PSG coach Luis Enrique chuan, “Khelh that harsatna mualah hnehna pawimawh tak kan chang. Brest hi an mual a la tlawm miah lo an ni a, first half-ah kan khelhthat em em laiin goal khung belh thei kan ni a, second half-ah erawh keini aiin an kheltha zawk.” tiin a thlirlet.
Inkhel dangah AS Monaco in table chung luah lailawk theihna hun nei mahse an chhawr tangkai lova. Stade Pierre-Mauroy-ah Lille nen inkhelin Ivan Cavaleiro leh Bafodé Diakité te goal hmangin 2-0 in an tlawm.