Aizawl: Court of special judge (Prevention of corruption act) chuan Rs vaibelchhe 1.6 tihchingpen thubuaia thiam loh a chantir, Lydia Lalhruaitluangi chu kum li jail tang tur leh Rs. nuai 100 chawi turin a hrem.
Aizawl district Court-a Special Judge (PC Act) Dr HTC Lalrinchhana chuan nimin khan Lydia Lalhruaitluangi hremna hi a puang a, kum li chhung lungin tang tur leh Rs. nuai 100 chawi tura hremin pawisa a chawi tur hi a pe thei lo a nih chuan kum 50 chhung lungin tanin a tlak ang.
Tar lan tawh angin Lydia Lalhruaitluangi hi Law & Judicial Department hnuaia LDC (Muster Roll) thawk thin niin, he hna a thawh lai hian Rs. 1,06,90,916 a tichingpenah puh a ni a, he thubuai chungchanga thuremna hi October 27 khan puangin ei ruk thubuaiah hian thiam loh chantir a ni a, nimin khan a hremna hi puan a ni leh ta a ni.