Synod Multipurpose Training Centre (SMTC) buatsaih kohhran upate tana Lay Leaders’ Training chu SMTC-ah Thawhlehni zan khan hawn a ni.
Hawnna inkhawm hi Rev. Lalrinthara, Director-in a kaihruai a, Rev. C. Zorammawia, Senior Executive Secretary-in thuchah sawiin a hawng.
Training-ah hian Presbytery pariat – Aizawl West, Aizawl West-II, Aizawl East, |awi, Hmarphei, Hmarthlang, Chhimthlang leh Tuivawlral atangin Kohhran Upa 41 an tel.
Training-ah hian Rev. Vanlalzuata, Rev. Thangzauva, Rev. K Lalpiangthara, Rev. Lalrinthara leh Upa Lalsawmliana, Synod Finance Manager te chu resource person an ni.
Kohhran upate tana training hi kum 1996 atang khan neih tan niin a vawi 223-na a ni a, upa training tawh 7,873 an awm.
Training-ah hian Kohhran Upate tan kohhran enkawl dan leh inrelbawlna lam atana pawimawh chi hrang hrangte zir thin a ni a, Kohhran thlarau lam nun enkawl dan tha te zir ho thin a ni bawk.
Training kharna inkhawm hi November 17, 2023 (Zirtawpni) zanah neih a ni ang a, Synod Moderator Rev. Dr. C. Chawnghmingliana-in thuchah a sawi ang a, trainee-te hnenah certificate a hlan bawk ang.