Aizawl: Aizawl district Agriculture Credit & Marketing Cooperative Society Limited (ADMACS) chuan nimin khan Aizawl Press Club-ah Special General Assembly an hmang.
ADMACS Special Assembly hi an chairman, LT Sanga’n a kaihruai a, khuallian Apex Bank Chairman Lalnunsanga chuan ADMACS chu thang zel se a duhsak thu sawiin, pawl hruaitu leh member-te chu rinawmna nunpui turin a chah a, Primary Agriculture Cooperative Credit society (PACS) chu India ramah chak taka kalpui zel a ni a, Apex Bank pawhin an umzui zel tih a sawi.
All India Cooperative Week denchhena ADMACS Special Assembly hian an pawl kal zel dan tur hrang hrangte an rel a, he huna an tarlan danin ADMACS hi kum 41 zeta upa a ni a, tunah hian working capital vaibelchhe thum neiin, kum khat chhungin mi 200 chuang hnenah loan Rs. nuai 120 chuang an pe thin a; tunah hian member 1,026 an awm mek a ni.