Aizawl Municipal Corporation hnuaia Dawrpui Veng- thar Local Council general seat pakhat ruak hnawhkhah na tura bye-election atana inbuatsaihna kal mekah Elec- toral Roll ennawn niin, nimin khan Draft Electoral Rolls chu Aizawl Bawrhsap Nazuk Kum- ar-i’n a tlangzarh a. Ni 24.11.2023 thleng El- ectoral Roll atanga paih, thun thar, siam- that ngai leh insawn duh te tan dilna hun pawh hawn nghal a ni.
Aizawl Bawrhsap chuan Local Council E/Roll chu MLA roll nen a hranpaa buatsaih a nih avangin hemi a inthun thar, insawn leh siamthat te chu MLA roll atan a rin nghal theih a nih loh thu a sawi a. Summary Revision of Dawrpui Vengthar Local Council Electoral Rolls, 2023 chu tluang tak leh hlawhtling taka neih a nih theihna turin bialtu MERO, AMERO, Local Council, Political Parties, Tlawmngai Pawl hrang hrangte leh Media te hmalakpui tur leh tawiawmna a ngen.
Aizawl District huam chhunga Dawrpui Vengthar Local Council Final Electoral Roll chu ni 13.12.2023 ah tlangzarh hman tura ruahman a ni.
Dawrpui Vengthar Local Council Draft Electoral Rolls-a a lan danin voter 3027 (mipa 1365 leh hmeichhia 1662) an awm.