Congress sorkara minister lo ni tawh, Lok Sabha MP hlui ni bawk C.L. Ruala (kum 87) chanchin ziakna bu (autobiography) ‘Kan Sulhnu’ tih chu nimin khan Rev Dr C Vanlalhruaia’n a tlangzarh.
Aijal Club-a tlangzarh inkhawm Upa Peter Zohmingthanga, Chanmari kaihhruai inkhawmah Vanneihtluanga, Editor, Lengzem in lehkhabu thlirlawkna a nei a ni.
‘Kan Sulhnu’ lehkhabuah C.L. Ruala hian Mizoramah remna leh muanna a thlen theih nana amah leh Congress party-in an hmalakna te, Mizo Union leh MNF te nena an thawhhona te a tar lang a. Hei bakah, Power & Electricity lama Mizoram hmasawnna tura ministry hrang hrangin an hmalaknate leh Congress party-in Tuirial Hydro-Electric Project atana an hmalakna a tar lang bawk.
C.L. Ruala lehkhabuah hian Mizoram politics-a a sulhnu a ziak tam ber a, heng bakah hian an chhungkaw chanchin bakah, a ngainat huan thlai chin leh enkawl dan thenkhat a ziak bawk.