Heti ang zata tam Grammy nomination a hmu ngai dawn lo tih chiang hle mah se, Olivia Rodrigo kutah paruk ngawt a tla ta bawk si a, mak a ti lutuk chu a au te tuar tuar nia hriat a ni.
Tunlai rimawi khawvela hmeichhe tleirawl lar ber zinga langsar Rodrigo hian Album Of The Year (‘Guts’), Record Of The Year (‘Vampire’), Song Of The Year (‘Vampire’), Best Pop Solo Performance (‘Vampire’), Best Pop Vocal Album (‘Guts’) and Best Rock Song (‘Ballad Of A Homeschooled Girl’) ah te nomination a hmu a, a tak ram chuangchhuak turin a dinhmun a tha.
“Nomination puan kha live kaltlangin ka nu leh ka thian tha Maddie te nen thuthlenga thu in uluk em emin kan lo thlir a, nomination paruk ngawtah ka hming a’n lang ta mai chu lawm avangin kan au te tuar tuar mai a ni.,” a ti.
A producer Daniel Nigor pawhin Producer of The Year-ah nomination hmu in, a putu in an hlim dun hle bawk.
Tarlan tawh angin, 67th Grammy award semna programme pui tak tur hi Ferbuary 4, 2024 hian Crypto.com Arena, Los Angeles-ah kalpui a ni dawn a, karhmasa tawp lam khan Academy hian nomination full list a tichhuak a ni.