Mahni ramah Jannik Sinner-a’n inrintawkna lian tak nena khelin a chetthat a chhunzawm a, ATP Finals a group stage inkhelah hnehna a chang vek a, a chetthat avangin a hneh tawh Novak Djokovic chuan semi-final a luh phah.
World number one Djokovic chian Zirtawpni zingkara inkhelah Hubert Hurkacz 7-6 (7-1) 4-6 6-1 in a hneh a. Semi-final atana tling turin Sinner hian Holger Rune a hneh a ngai.
Italian mi Sinner hian 6-2 5-7 6-4 in a khingpui hi a hneh a. Green Group-ah match thum atang a chak vek.
Kum 22 mi seeded number 4 hauhtu hian semi-final tling sa in inkhel bul a tan a, inkhelh laiin a hnungzang hliam avangin harsatna nei mahse hnehna a chang thei thova, kum 54 chhunga ATP Finals a Italian player semi-final khel leh thei hmasa ber a ni.
Djokovic-a’n record ni tura ATP Finals title pasarihna lak tumin ke a pen chhunzawm thei a. Sinner-a kutah a tlawm hnuah Hurkacz laka hnehna chang turin a beih nasat a ngai hle.