Zote Toyota Mizoram Premier League 10-ah Mizoram Police in semi-final khelh ngei tumin ke an pen chhunzawm a, Electric Veng FC lakah 2-1 in an chak.
Police hi tunhnaiah inhliam avanga player paiwmawh chhawr theih loh nei hnem an ni a, heti chung hian point thum hmu turin an la tha tawk tih an lantir.
First half-ah Electric Veng zawkin KC Malsawmsanga hmangin goal an khung hmasa a. Halftime zawhah Police insiksawi in Malsawmfela chu substitute bench atang dah luh a ni a, an inkhel a thlak danglam chiang hle.
Minute 53-naah Lalfakzuala’n goal khungin minute 65-naah Lalruatpuia chuan an chakna goal a khung.
Thawhlehni inkhel hmasa zawkah Kolasib club Project Veng FC leh league hmahruaitu Chanmari FC an inkhel a, 1-1 in an inhnehtawk.
Chanmari tan first half-ah Lalrammuanpuia chuan goal a khung a, hei hi second half-ah minute 73-naah Jehova Lalthansanga chuan a sut a ni.