Aizawl: MPCC Political Affairs Committee (PAC) chu nimin khan an president, Lalsawta kaihhruaiin tun hnaia zawh fel tak, Mizoram Assembly inthlanpui thlirletin an thukhawm.
MPCC PAC chuan Mizoram mipuite chuan India secularism humhim an duhzia an tilang chiang hleah an ngaih thu leh, Mizoram state chuan BJP leh an thawhpuite an duh lohzia an lantir chiang hlea an ngaih thu an sawi.
Congress leh INDIA alliance chuan secularism leh remna leh muanna humhim a nih zel nan BJP-te chu an do zui zel dawn nia sawiin MPCC PAC chuan, “BJP-te nenna thawhhona nei party-te chuan Mizoram mipuite kalhin chet an laah a ngai a ni,” an ti.
He hunah hian AICC General Secretary in Charge Bhakta Charan Das leh Senior Observer Sachin Rao ten an telpui bawk.