India cricket team head coach Rahul Dravid chuan a hna a chhunzawm zel dawn a, Board of Control for Cricket in India in a contract an pawhseisak.
Kum 50 mi Dravid hi kum 2021 November khan head coach ni tura lakluh a ni a, a contract neihlai hi tun ICC Men’s Cricket World Cup zawh hnu khan zo ve nghal tur a ni.
World Cup-ah India chu rinkai ni chungin champion zo lo mahse a contract hi pawhseisak a ni thova. A contract rei zawng hi puanzar ni lo mahse nakkum June a T20 World Cup an khelh hun thleng India hi enkawl tura ngaih a ni.
Dravid-a hnuaiah hian India hi Test, One Day international leh T20-ah te world rankings-ah pakhatna a ni vek thei a. Nimahse kum 2011 hnuah ICC world trophy erawh India in a la leh tawh rih lo thung.