Aizawl: Mizo Zirlai Pawl (MZP) executive meeting thutkhawm chuan hnam dang thlavang hauh an awm thin chu pawi an tih thu leh an dem thu an sawi.
Ningania MZP President H Lalthianghlima kaihhruaia an pisa-a executive meeting thutkhawm chuan, ram leh hnam him zawk nan hnam dang dan lova Mizoram-a eizawngte dapchhuah kawngah nasa takin hma a la thin a. Hetiang hunah ram hruaitu leh mi pawimawh zingah hnam dang thlavang hauh an awm thin chu pawi an tih thu leh dem takzet tih sawiin, “Kan ram leh hnam him zawk nan a ni tih hriaa MZP hmalaknate thlawp zel turin mipuite a sawm a. Ram hruaitu hnam dang thlavang hauh ching an awm chuan an hming a puangzar hreh dawn lo a ni,” an ti.
MZP Gen Hqrs. executive meeting thutkhawm chuan December 13, 2023 hian NIELIT Aizawl te nen tangkawpin Aijal Club Park-ah Job Fair buatsaih te, ram leh hnam hmangaihna kawnga thalaite harh thar nan leh hna zawnna kawnga thalaite inhrilhhriat nan ram pum huapin Nationalism & Career Awareness campaign neih te leh MZP Pisa Pui khar hun atan December 15, 2023 an rel bawk.