Barcelona forward Joao Felix chuan first half-ah a club hlui Atletico Madrid lakah goal a khung a, league inkhel pawimawhah 1-0 in La Liga champion lai an chak.
Olympic Lluis Companys Stadium-ah Atletico Madrid atanga loan a Barcelona tana khel mek Felix hian minute 28-naah Raphinha ball pek chu kil tawh tak atangin Jan Oblak-a goal ah a thai lut mawi hle.
Inhliam Marc-André ter Stegen aia khel Barcelona goalkeeper Iñaki Peña a che tha bawk a, save pawimawh vawi engemaw zat siamin barca forward hlui Memphis Depay freekick a dan a mawi hle.
Barcelona hi league match vawi li atang vawi thum an chakna a ni a. Hnehna an chan avang hian pathumnaha an inhlangkai.
“Fans ten ka chhuak tur min lo lawm dan kha mak ka ti zawk hle. He club ropuizia leh lenzia hi ka hria a, heng fans ten kan hming lama mi an lawm hi thil thleng awlsam tak a ni lo. Chuvang chuan ka hlim tak zet a ni.” tiin a sawi.
Diego Simone pawlte hi inelna hrang hrangah a zawna vawi li chaklai an nih hnuah an tlawm a. League inkhel hnuhnung 10 atang vawi hnih an tlawmna a ni ve chiah thung.