Real Madrid defender Dani Carvajal chu chawn hliam avangin thla khat chhung a chawlh a ngai dawn.
Spain international Carvajal hian tun season-ah Real Madrid tan inelna hrang hrangah vawi 17 khel tawhin an player tangkai a ni a, khelmual chhungah pawimawhin Real tana a chetthat ber lai niin mi tam takin an sawi.
Inrinni zana Granada nen an inkhelh tumin halftime laia thlak a ngai a. A inhliam avang hian Real Madrid in player chhawr theih loh an neih ho a pun belh.
Tun dinhmunah Real Madrid hian an first team player zingah Thibaut Courtois, Éder Militão, Aurélien Tchouaméni, Eduardo Camavinga, Luka Modric, Arda Güler leh Vinícius Júnior te an chhawr thei lo vek a ni.
Real Madrid manager Carlo Ancelotti chuan an inkhel hnem lutuk leh season calendar a tawt lutuk chu inhliam an ngah chhan niin a lo sawisel tawh.