Italy a league hmahruaitu Inter Milan in tun season a an khelhthat ber tum zinga chhiar tel theih turin football an khel a, champion lai Napoli lakah 3-0 in an chak.
Stadio Diego Armando Maradona-ah Napoli an khel chhe bik lova, Inter nen an inkhel tawk viau. Nimahsela Nerazzurri in huntha an neih an chhawr tangkai thei bik thin.
Inter hian Napoli an chetthat a, inrintawkna an ngah chho dawn chiah tihin goal an khung leh thin a, halftime dawnah Hakan Calhanoglu hmanga hma hruaiin second half tan tir lamah Nicolo Barella chuan an goal hnihna a khung a. Huntawp dawnah Marcus Thuram in an goal thumna a khung.
Inter manager Simone Inzaghi chuan, “Napoli a inkhelh hi chu a hautak tur a ni. Mahse kan inpeih avangin kan chak.” a ti.