Mizoram Assembly inthlanna vote tlate chu nimin khan chhiar a ni a, Zoram People’s Movement (ZPM)-in seat 27 lain hneh takin sorkar an siam thei.

ZPM-in bial 40 awmah 27-in hnehna an chang a, a dawttu, rorel lai, MNF-in seat 10 an la a, BJP-in seat hnih lain Congress chuan seat khat an la bawk a ni.

ZPM party candidate thlan tlin takte hi Serchhip bialah an chief ministerial candidate Lalduhoma, an party working president K Sapdanga chu Aizawl North III bialah, an party vice president Lalthansanga (Chatea) chu Aizawl East I bialah, Secretary General Vanlalruata chu Tuikum bial atangin thlan tlin a ni a. ZPM MLA atana lo thlan tlin tawh mi pangate chu an bial ngaiah theuh thlan tlin leh an ni a, chungte chu Vanlalhlana, Aizawl North-I; C. Lalsawivunga, Aizawl South I bialah, Lalchhuanthanga, Aizawl South II-ah; Aizawl West III-ah VL Zaithanzama; Aizawl North II-ah Dr Vanlalthlana te thlan tlin an ni.

Anni bakah hian Kolasib-ah Lalfamkima, Chalfilh bialah Lalbiakzama, Tawi bialah Prof Lalnilawma, Lengteng bialah F Rodingliana, Aizawl North I bialah Vanlalhlana, Aizawl East II bialah B. Lalchhanzova, Aizawl West I TBC Lalvenchhunga, Aizawl West II bialah Lalnghinglova Hmar, Aizawl South III bialah Baryl Vanneihsangi, Tuichang bialah W. Chhuanawma, Champhai North bialah H GinZalala, Champhai South bialah Celement Lalhmingthanga, Hrangturzo bialah Lalmuanpuia Punte, South Tuipui bialah Jeje Lalpekhlua, Lunglei North bialah V Malsawmtluanga,Lunglei East bialah Lalrinpuii, Lunglei West bialah T Lalhlimpuia, Lunglei South bialah Lalramliana leh Lawngtlai West Dr. Lorrain Lalpekliana Chinzah te thlan tlin an ni.

MNF candidate thlan tlin takte chu Tuivawl bialah Lalchhandama Ralte, Hachhek bialah Robert Romawia Royte, Dampa bialah Lalrintluanga Sailo, Mamit bialah Er H. Lalzirliana, Serlui bialah Lalrinsanga Ralte, Tuirial bialah K Laldawngliana, East Tuipui bialah Ramthanmawia, Thorang bialah R. Rohmingliana, West Tuipui Prova Chakma leh Tuichawng bialah Rasik Mohan Chakma te an ni a, BJP Candidate zingah Saiha bialah Dr K Beichhua leh Palak bialah K Hrahmo te thlan tlin an ni a, Lawngtlai West bialah C. Ngunlianchunga chu thlan tlin a ni a, ani hi Congress candidate 40 zinga tling awm chhun a ni.

2023 MLA inthlan-a tling tharte

ZPM :

1. Lalduhoma (Serchhip)
2. K. Sapdanga (Azl N-III)
3. Vanlalhlana (Azl N-I)
4. Lalchhuanthanga (Azl S-II)
5. VL Zaithanzama (Azl W-III)
6. Lalnghinglova Hmar
   (Azl W-II)
7. TBC Lalvenchhunga (Azl W-I)
8. Lalthansanga (Chatea)
   (Azl E-I)
9. B. Lalchhanzova (Azl E-II)
10. C. Lalsawivunga (Azl S-I)
11. Baryl Vanneihsangi (Azl S-III)
12. Dr. Vanlalthlana (Azl N-II)
13. Lalfamkima (Kolasib)
14. Prof. Lalnilawma (|awi)
15. PC Vanlalruata (Tuikum)
16. Lalmuanpuia Punte
    (Hrangturzo)
17. W. Chhuanawma (Tuichang)
18. H. Ginzalala (Champhai North)
19. Lalzamliana (Chalfilh)
20. Jeje Lalpekhlua (South Tuipui)
21. V. Malsawmtluanga
    (Lunglei North)
22. T. Lalhlimpuia (Lunglei West)
23. Lalrinpuii (Lunglei East)
24. Dr. Lorrain Lalpekliana
    Chinzah (Lawngtlai East)
25. Lt. Col. Clement Lalhming-
    thanga (Champhai South)
26. Lalramliana (Lunglei South)
27. F. Rodingliana (Lengteng)

MNF :

1. Lalchhandama Ralte (Tuivawl)
2. Robert Romawia Royte (Hachhek)
3. Rashik Mohan Chakma (Tuichawng)
4. K. Laldawngliana (Tuirial)
5. Lalrinsanga Ralte (Serlui)
6. Ramthanmawia (East Tuipui)
7. Lalrintluanga Sailo (Dampa)
8. R. Rohmingliana (Thorang)
9. Prova Chakma (West Tuipui)
10. Er. H. Lalzirliana (Mamit)

BJP :

1. K. Hrahmo (Palak)
2. Dr. K. Beichhua (Siaha)

INC :

1. C. Ngunlianchunga
   (Lawngtlai West)

• MNF MLA K Laldawngliana’n amah hnaih ber tu ZPM candidate Laltlanmawia chu vote 13 in a hneh a, hei hi result hriat theih china vote hmuh zat inhnaih ber a ni.
• Aizawl North II bialah ZPM candidate Dr Vanlalthlana’n vote 11040 a hmu a, amah hnaih bertu MNF candidate Vanlalsawma’n vote 4533 hmuin, an inthlauhna chu vote 6507 a ni a, tun tum MLA inthlanpuia vote inthlauhna ber a ni.
• Kumin MLA inthlanpuiah hmeichhe pathum – Aizawl South III bialah ZPM candidate Baryl Vanneihsangi, Lunglei East biala ZPM candidate Lalrinpuii leh West Tuipui biala MNF candidate Prova Chakma te thlan tlin an ni. MLA inthlanpui hun khata hmeichhe tlin tam ber tum a ni.