AIZAWL: Aam Aadmi party (AAP) Mizoram chuan MLA inthlanpui neih zawh taka sorkarna siamtu Zoram People’s Movement (ZPM) an lawmpui thu an sawi.
Thuchhuah an siamah AAP Mizoram chuan, MLA a tling thar zawng zawngte an lawmpui thu an tar lang a. Mizoram tan a thiltha ti turin duhsakna an hlan.
AAP Mizoram chuan sorkar thar siam tur ZPM chu an thil tum mipui hmaa an intiamte ti hlawhtling tura an beisei thu leh, chutiang tur chuan an thlir reng tur thu an sawi a. Mizoram mipui tan tha tak a an tih theih ngei hi an rin thu an sawi.
AAP Mizoram chuan tha thlah lo in hma an lak zel dawn thu leh, tu leh fate tan chenna tlaka Mizoram siam turin theihtawp an chhuah zel dawn niin an sawi bawk.