Zoram People’s Movement kaihhruai sorkar thar lak luh ni atan Zirtawpni ruat a ni.
Mizoram Assembly inthlanpui neih zawh takah ZPM chuan seat 27 lain hneh takin sorkarna an siam thei a, ZPM sorkara chief minister leh council of ministers te lakluh inkhawm chu December 8 chawhma 11:00-ah Raj Bhawan tualah neih a ni dawn a, Larsap Dr Hari Babu Kambhampati chuan rinawmna thu tiamtirin thlan tlinte hi a la lut dawn a ni.
ZPM hian legislature party an la din fel lo a, nizan dar 8 khan MLA 27-te chu an thukhawm a, leader leh deputy leader turte an thlang dawn a ni.
Mizoram Legislative Assembly pakuana, sorkar thar tur lak luh inkhawm kalpui dan tur relin nimin khan Chief Secretary Dr Renu Sharma hovin sorkar hotute chu CS Conference Hall, MINECO-ah an thukhawm a, chief secretary chuan swearing-in-ceremony chu programme pawimawh tak a nih avangin he thilah chanpual leh mawhphurna nei department-ten an tih tur an chian bakah an mawhphurhnate tha leh zo taka an hlenchhuah a tul tih sawiin, department aiawhte chu a tha thei ang bera inbuatsaih lawknate nei turin a ngen.