Sorkar laipui chuan kumina khuarel chhiatna rapthlak tak tak tuartu state pathumte puih nan Rs. Vbc 3,719 a thehchhuak.
August thlaa tuilian rapthlak tuartu, Kerala hnenah Rs. Vbc 3,048 a pe a, hei hi National Disaster Response Fund (NDRF) atanga pek a ni a. Kumin kumtir lama cyclone Titli tuar, Andhra Pradesh hnenah Rs. Vbc 539.52 leh tuilian tuar, Nagaland hnenah Rs. Vbc 131.16 a pe bawk.
Nimina home minister Amit Shah-a kaihhruai high level committee chuan NDRF atanga tanpuina pek tur hi a pawm tih home ministry thupuangtu chuan a sawi.
Kerala hian tuilian a tawrh avang hian zangnadawmna Rs. Vbc 4,700 a lo dawng a, an chhiatna tawh hi kum zabi khat chhunga tuilian rapthlak ber niin an sawi a. Mi 488 vel an thi a, district 14-a chengten an tuar a ni.
HLC thutkhawmnaah hian Finance Minister Nirmala Sitharaman, Home Secretary Rajiv Gauba te pawh an tel.