French football a inkhel boruak lian leh pawimawh ber zing ami ni thin Derby des Olympiques chu Nilaini zanah khelh a ni a. Season harsa hmang ve ve karah Olympique de Marseille in 3-0 in table mawng a awm Olympique de Lyonnais an hneh.
Stade Vélodrome a inkhelah hian league table laihawl a awm Marseille tan striker Pierre-Emerick Aubameyang chuan goal thum an khungah inrawlhna a nei vek.
Kum 34 mi hian first half a Vitinha leh Amir Murillo te goal khung tur a siamsak a. Second half-ah an goal thumna a khung leh bawk.
Marseille hian season bul tan tha bik lo mahse a zawna league hnehna an channa a ni a, pariatnaah an inhlangkai. League a an hmachhawn leh tur Lorient laka an chak chuan season thar a Europe huap inelna a tel thei tur dinhmunah luahtu zingah an inhlangkai ang.