Aizawl FC in a zawna hnehna an channa turin I-League-ah point thum an hmuh belh a, Shillong Lajong lakah 3-0 in an chak.
Mizo club hian I-League-ah Ningani zan khan Manipur club TRAU lakah goal nga an khung tawh a. Pathianni khan Shillong a Polo Grounds-ah inkhel lehnghalin an khingpuiten tihsual an neih thin chu remchangah an la fova, tun season a tlawm la nei lo Shillong Lajong hi a vawikhat nan an tlawm tir.
Aizawl FC tan striker Lalrinzuala pawh che lehin goal hmahruai minute 4-naah a khung a. Minute 17-naah R. Ramdinthara’n an goal hnihna tha takin a khung leh bawk.
Second half-ah hliam avanga hun engemaw chen a chawlh hnua lo kir leh Joe Zoherliana’n a zawna match hnih nan goal a khung leh a ni.
Aizawl FC hi tunhnaia league a che tha tluang team niin match hnuhnung panga atangin tlawm an nei lo mek.